ஒளிப்படக் கட்டுரை முக்கியப் பதிவுகள் 

உலகம் முழுக்க றமளான் (1447) – ஒளிப்படக் கட்டுரை

அபு ஹம்ஸா , ,

Loading

[உலகம் முழுக்க முஸ்லிம்கள் றமளான் மாதத்தை எவ்வாறு வரவேற்கிறார்கள், கடைப்பிடிக்கிறார்கள், கொண்டாடுகிறார்கள் என்பதை ஒளிப்படங்களின் வழி சொல்லிடும் ஒரு சிறு முயற்சி]

றமளானையொட்டி பாகிஸ்தானின் பெஷாவரில் உள்ள சுனேஹ்ரி பள்ளிவாசலை ஊழியர் ஒருவர் சுத்தப்படுத்துகிறார். (Photo Credit: Bilawal Arbab/EPA)
றமளானை வரவேற்கும் விதமாக லெபனானில் உள்ள பள்ளிவாசல் அலங்கரிக்கப்பட்டுள்ளது. (Photo Credit: Hussein Malla/AP)
றமளானை வரவேற்பதற்கான அலங்கரிப்பில் ஒரு ஃபலஸ்தீனியச் சிறுவன். (Photo Credit: Anadolu/Getty Images)
றமளான் பிறை தேடும் இந்தோனீசியர். அல்மப்ரூர் பள்ளிவாசலில் எடுக்கப்பட்ட ஒளிப்படம். (Photo Credit: Robertus Pudyanto/Getty Images)
மலேசியா தலைநகர் கோலாலம்பூரில் உள்ள நேஷனல் பள்ளிவாசலில் றமளானின் முதல் இரவுத்தொழுகையை நிறைவேற்றும் முஸ்லிம்கள். (Photo Credit: Anadolu/Getty Images)
இராக்கின் நஜஃபில் றமளான் முதல் பிறையை தேடும் ஷீஆ முஸ்லிம்கள். (Photo Credit: Anmar Khalil/AP)
உலகில் அதிக முஸ்லிம் மக்கள் தொகையைக் கொண்ட இந்தோனீசியாவில் இரவுத் தொழுகையில் ஈடுபடும் திரளான ஆண்கள். தலைநகர் ஜகார்த்தாவில் உள்ள இஸ்திக்லால் பெரிய பள்ளிவாசலின் பிரமிப்பூட்டும் படம். (Photo Credit: Willy Kurniawan/Reuters)

வரலாற்று முக்கியத்துவம் வாய்ந்த எகிப்தின் கெய்ரோவில் றமளானை வரவேற்று அல்அஸ்ஹர் பள்ளிவாசலில் ஜொலித்த ட்ரோன் ஷோ. (Photo Credit: Mohamed Abd El Ghany/Reuters)
இடிபாடுகளுக்கு நடுவே இஃப்தார் நோன்பு துறக்கும் ஃபலஸ்தீனக் குடும்பம். போர் நிறுத்த ஒப்பந்தத்தையும் மீறி றமளான் மாதத்திலும் காஸா, மேற்குக் கரை உள்ளிட்ட பகுதிகளை இஸ்ரேல் குறிவைத்துத் தாக்குதல் தொடுத்திருக்கிறது. (Photo Credit: Anadolu/Getty Images)
நெதர்லாந்தின் உட்ரெச்ட் பகுதியில் இரவுத் தொழுகையில் ஈடுபடும் முஸ்லிம்கள். (Photo Credit: ANP/Shutterstock)
உஸ்மானியப் பேரரசின் கலாச்சாரம் மற்றும் வரலாற்றுப் பின்புலம் கொண்ட போஸ்னியா – ஹெர்சிகோவினாவில் உள்ள சரஜீவோ பஸாரில் றமளானையொட்டிச் செய்யப்பட்ட அலங்காரம். 15ஆம் நூற்றாண்டில் உஸ்மானியப் பேரரசு இந்த நகரைக் கட்டமைத்தது. (Photo Credit: Anadolu/Getty Images)

இராக்கின் மோஸுலில் வண்ணமிகு ஒளி விளக்குகளுடன் றமாளானை வரவேற்கும் சிறுமிகள். (Photo Credit: Khalid al-Mousily/Reuters)
லெபனானில் கடையை அலங்கரிக்கும் முஸ்லிம் வியாபாரி. லெபனானை குறிவைத்து இஸ்ரேல் பயங்கரத் தாக்குதலைத் தொடுத்துவருகிறது. றமாளானில் மட்டும் நூற்றுக்கணக்கானோர் கொல்லப்பட்ட நிலையில், 8 லட்சத்திற்கும் மேற்பட்டோர் இடம்பெயர்ந்துள்ளனர். (Photo Credit: Mohamed Azakir/Reuters)
புனித அல்அக்ஸா பள்ளிவாசலின் வளாகத்தில் இரவுத் தொழுகையில் ஈடுபடும் ஃபலஸ்தீனியப் பெண்கள். இரான் உடனான போரைக் காரணம் காட்டி றமளானின் இரண்டாவது வாரத்தில், இஸ்ரேலிய அரசு அல்அக்ஸாவில் தொழுகையில் ஈடுபடத் தடை விதித்திருக்கிறது. பழைய ஜெருசலேம் பகுதியில் நடமாடவும் தடை செய்துள்ளது. இதனால், முஸ்லிம்கள் அல்அக்ஸாவுக்கு வெளியே தொழுகையில் கலந்துகொள்ளும் நிர்ப்பந்தத்திற்கு ஆளாகினர். (Photo Credit: Jamal Awad/Reuters)
இந்தோனீசியாவில் றமளானை வரவேற்று தீப்பந்தம் ஏற்றி பேரணியாகச் செல்லும் இளைஞர்கள். ஜகார்த்தாவில் இது ஒரு பாரம்பரிய நிகழ்வாகத் திகழ்கிறது. (Photo Credit: Ajeng Dinar Ulfiana/Reuters)
பழைய ஜெருசலேமில் வண்ணமிகு அலங்கார விளக்குகளைப் பார்வையிடும் ஃபலஸ்தீனியர். (Photo Credit:Ammar Awad/Reuters)
புனித றமளானை வரவேற்று பழைய ஜெருசலேமில் தஃப்ஸ் அடித்துப் பேரணி செல்லும் குழந்தைகள். (Photo Credit: Ammar Awad/Reuters)
எகிப்தில் பிரமிடுகளுக்கு முன்பு தொங்கும் வண்ணமிகு பாரம்பரிய அலங்கார விளக்குகள். (Photo Credit: Amr Abdallah Dalsh/Reuters)
கொல்கத்தாவின் ரயில் நிலையம் ஒன்றில் றமளானின் கடைசி நோன்பைத் துறக்கும் முஸ்லிம்கள் (Photo Credit: ANI)
உத்தரப் பிரதேச மாநிலம் லக்னெளவில் உள்ள கடைவீதியில் ஈதுல் ஃபித்ரு கொண்டாட்டத்திற்காகக் களைகட்டிய கடைவீதி. (Photo Credit: ANI)
உத்தரப் பிரதேச மாநிலம் லக்னெளவில் உள்ள கடைவீதியில் ஈதுல் ஃபித்ரு கொண்டாட்டத்திற்காகக் களைகட்டிய கடைவீதி. (Photo Credit: ANI)
மும்பையில் இருநூறு ஆண்டுகள் பழமையான ஸக்கரியா பள்ளிவாசலில் நடைபெற்ற இஃப்தார் ஏற்பாடு. (Photo Credit: SL Shanth Kumar/TOI)
மும்பையில் இருநூறு ஆண்டுகள் பழமையான ஸக்கரியா பள்ளிவாசலில் நடைபெற்ற இஃப்தார் ஏற்பாடு. (Photo Credit: SL Shanth Kumar / TOI)
ஆப்பிரிக்காவின் ஹவ்ஸா கலாசாரத்தின் ஒரு பகுதியாக தர்பார் திருவிழாவில் நைஜீரியாவில் உள்ள கானோவின் 15வது அமீர் அடோ பயிரோ குதிரையில் வலம் வரும் புகைப்படம். ஹவ்ஸாக்கள் சிறந்த குதிரையேற்ற வீரர்களாகத் திகழ்ந்தனர். போருக்கு ஆயத்தமாகியுள்ளதை உணர்த்தும் விதமாகப் பண்டைய காலங்களில் இந்த அணிவகுப்பு நிகழ்ந்தது. தற்போது பெருநாள் பண்டிகைகளின்போது இந்தப் பாரம்பரியம் தொடர்கிறது. (Photo Credit: Muhammad Sani Sabo/Al Jazeera)
செனகலில் உள்ள பள்ளிவாசல் ஒன்றில் ஒருவர் குர்ஆன் ஓதுகிறார். (Photo Credit: Hawo Kane/Al Jazeera)
செனகல் தலைநகர் டாகரில் போக்குவரத்து நெரிசலில் சிக்கியவர்கள் நோன்பு துறப்பதற்காக உள்ளூர் இளைஞர்கள் ரொட்டியும் தேநீரும் வழங்குகின்றனர். (Photo Credit: Hawo Kane/Al Jazeera)
ஈகைப் பெருநாளுக்காக செனகலில் பெண் ஒருவர் தனது தலைமுடியை அலங்கரிக்கிறார். பெருநாளைக் கொண்டாடுவதற்காக இங்குள்ள இளைஞர்கள் தங்களை மிக அழகாகக் காட்டிக்கொள்ள விரும்புகிறார்கள்.  (Photo Credit: Hawo Kane/Al Jazeera)
தென்னாப்பிரிக்கத் தலைநகர் கேப் டவுனில் ஈகைப் பெருநாள் கொண்டாட்டத்தையொட்டி எளிய மக்களுக்கு வழங்குவதற்காக தன்னார்வலர்களால் தயாராகும் உணவு. (Photo Credit: Esa Alexander/Reuters)
றமளான் மாதத்தில் நிகழ்ந்த தனுரா எனும் பாரம்பரிய எகிப்திய நாட்டுப்புற நடனம். இது ஸூஃபி மரபுடன் தொடர்புடையது. இதில் நடனக் கலைஞர் வண்ணமயமான பல அடுக்குகள் கொண்ட உடையை அணிந்து, தொடர்ந்து சுற்றிக்கொண்டே நடனம் ஆடுவார். (Photo Credit: Xinhua/Ahmed Gomaa)
சஹருக்கு மக்களைத் தூக்கத்திலிருந்து எழுப்பிவிடும் பாரம்பரியம் முதன்முதலில் எகிப்தில் தோன்றியதாக வரலாற்றாய்வாளர் அப்துல் மஜீது அப்துல் அஸீஸ் கூறுகிறார். இந்த வழக்கம் சிரியா, லெபனான், இந்தியா, பாகிஸ்தான் உள்ளிட்ட பல நாடுகளிலும் இருக்கிறது.
பொதுவாக, இந்தப் பணியை ஆண்கள் மட்டுமே செய்வார்கள். ஆனால் கெய்ரோவில் ஹாஜ்ஜா தலால் என்கிற பெண்மணியும் இந்தப் பாரம்பரியத்தைத் தொடர்கிறார்.
றமளானுக்கு முந்தைய தினத்தில் இந்தோனீசியாவில் பதுஷன் என்னும் பாரம்பரியத் திருவிழா கொண்டாடப்படுகிறது. அதன்படி மக்கள் தங்களைத் தூய்மைப் படுத்திக்கொள்ள நீர்நிலைகளில் குளித்து மகிழ்வர்.
இராக்கில் றமளான் காலத்தில் நடைபெறும் ஹெய்பிஸ் என்னும் பாரம்பரியக் குழு விளையாட்டு இது. இரண்டு அணிகள் ஒன்றுக்கு ஒன்று எதிராக அமர்ந்து விளையாடுகின்றன.  ஒரு அணியினர் சிறிய மோதிரத்தை கையில் மறைத்து வைத்திருப்பார்கள்.  எதிரணி அந்த மோதிரம் யாரிடம் உள்ளது என்பதை முகபாவனை, உடல் மொழி போன்றவற்றைக் கவனித்துக் கண்டுபிடிக்க வேண்டும்.
ஜம்மு-கஷ்மீரில் நடைபெற்ற ஈகைப் பெருநாள் தொழுகையின்போது எடுக்கப்பட்ட ஒளிப்படம்.
ஃபிலிப்பைன்ஸில் றமளான் கொண்டாட்டங்களின் ஒரு பகுதியாக நடைபெற்ற விளையாட்டுப் போட்டி. (Photo Credit: Aaron Favila/AP)
அமெரிக்காவின் ப்ரூக்ளினில் பெருநாள் தொழுகைக்காகக் கூடியுள்ள பெண்கள். (Photo Credit: Stephanie Keith/ZUMA Press Wire/REX/Shutterstock)
மலேசியாவின் ஜமெக் சினா பள்ளிவாசலில் பெருநாள் தொழுகைக்குத் தயாராகும் சிறுமி. (Photo Credit: Annice Lyn/Getty Images)
றமளான் கொண்டாட்டத்தில் கஷ்மீர் குழந்தைகள். (Photo Credit: Yawar Nazir/Getty Images)
குஜராத்தின் அகமதாபாத்தில் நடைபெற்ற பெருநாள் தொழுகை. (Photo Credit: Saurabh Sirohiya/ZUMA Press Wire/REX/Shutterstock)
றமளானைக் கொண்டாட பட்டாசுக் கடையில் கஷ்மீர் சிறுவன். (Photo Credit: Adil Abass/ZUMA Press Wire/REX/Shutterstock)
லிபியாவில் பெருநாளை வரவேற்கும் விதமாக அமைக்கப்பட்டிருந்த பதாகை முன்பு செல்ஃபி எடுத்து மகிழும் முஸ்லிம் இளைஞர். (Photo Credit: Esam Omran Al-Fetori/Reuters)
வங்கதேசத்தில் பெருநாள் கொண்டாட்டத்தின்போது நடைபெற்ற பேரணியில் இசைக்குழு. (Photo Credit: Mohammad Ponir Hossain/Reuters)
பெருநாளையொட்டி மாலத்தீவில் நடைபெற்ற வான வேடிக்கை. (Photo Credit: Mohamed Afrah/AFP/Getty Images)
இராக்கின் நஜஃபில் பெருநாள் தினத்தில் பாசத்திற்குரியவர்களின் அடக்கஸ்தலங்களில் பிரார்த்தனை செய்யும் பெண்கள். (Photo Credit:  Qassem Al-Kaabi/AFP/Getty Images)
காஸாவில் நடைபெற்ற பெருநாள் தொழுகை. (Photo Credit: Jehad Alshrafi/AP)
பெருநாள் தொழுகைக்குப் பிறகு வாழ்த்துகளைப் பரிமாறும் யமன் நாட்டுச் சிறுவர்கள். (Photo Credit: Mohammed Huwais/AFP)
ஈகைப் பெருநாளிற்காகப் பாகிஸ்தானின் கராச்சியில் மெஹந்தி போட்டுக்கொள்வதில் ஆர்வம் காட்டும் பெண்கள். (Photo Credit: Rizwan Tabassum/AFP)
ஹமாஸ் போராளிகளுக்குப் பெருநாள் வாழ்த்து பகிரும் சிறுவன். (Photo Credit: Abdel Kareem Hana/AP)
ஆஃப்கானிஸ்தானில் தாலிபான் வீரரைக் கட்டித் தழுவி ஈது வாழ்த்துகளைப் பரிமாறுகிறார் ஒரு ஆஃப்கானியர். (Photo Credit: Siddiqullah Alizai/AP)
ரஷ்யாவின் செயிண்ட் பீட்டர்ஸ்பெர்கில் நடைபெற்ற பெருநாள் தொழுகை. (Photo Credit: Dmitri Lovetsky/AP)
போருக்கு நடுவே இரானில் பெருநாள் தொழுகையில் ஒன்றுகூடிய பெண்கள். (Photo Credit: Reuters)
றமளானை வரவேற்கும் விதமாக இந்தோனீசியாவின் திபெட் பகுதியில் பாரம்பரிய விளையாட்டான நெருப்புப் பந்து விளையாடும் முஸ்லிம்கள். (Photo Credit: Getty Images)
போஸ்னியா – ஹெர்சிகோவினாவின் தலைநகர் சரஜீவோவில் இஃப்தார் நேரத்தில் பீரங்கியில் இருந்து சீறிய குண்டு. (Photo Credit: )
சென்னை மண்ணடியில் களைகட்டிய உணவுப் பண்டங்களின் விற்பனை.
றமளானையொட்டி மறுசீரமைப்புப் பணிகள் முடிந்து புதுப்பொலிவுடன் காட்சியளிக்கும் சென்னை வாலாஜா பெரிய பள்ளிவாசல். (Photo Credit: R. RAGU / The Hindu)
சென்னை வாலாஜா பள்ளிவாசலில் சிந்து இந்துக்களால் முஸ்லிம்களுக்கு ஏற்பாடு செய்யப்பட்ட இஃப்தார் விருந்து.
துபாயில் இஃப்தாரையொட்டி வழக்கமாக வெடிக்கப்படும் பீரங்கி, இந்த முறை பதற்றமான சூழல் காரணமாக நிகழவில்லை.
உலகம் முழுக்க முஸ்லிம்கள் றமளான் மாதத்தை எப்படி வரவேற்கிறார்கள், கடைப்பிடிக்கிறார்கள், கொண்டாடுகிறார்கள் என்பதை ஒளிப்படங்கள் வழியாகச் சொல்லிடும் ஒரு முயற்சி.
அமெரிக்காவில், பெருநாள் தொழுகையில் நியூயார்க் நகர மேயர் ஸொஹ்ரான் மம்தானி.

(தொகுப்பு: அபு ஹம்ஸா)

Related posts

Leave a Comment