Topic: உலக அரசியல்

2026 சர்வதேச கால்பந்து போட்டிகளை நடத்திய ஃபிஃபா அமைப்பின் செயல்பாடுகள் குறித்து கடும் விமர்சனங்கள் இந்த போட்டித் தொடரில் எழுந்தன. அத்துடன் சர்வதேச அரசியலின் பிரதிபலிப்பாகவும் இந்த போட்டிகள் இருந்தன. விளையாட்டுப் போட்டிகளில் இருக்க வேண்டிய போட்டி மனப்பான்மையை கடந்து அதனை அரசியல் பழிவாங்கும் தளமாக அமெரிக்கா பயன்படுத்தியது. இதற்கு ஃபிஃபா முழு ஒத்துழைப்பையும் வழங்கியது.
ஆட்டத்தின் அழகை கெடுக்கும் அமைப்புகளின் அநீதிகளையும் ஏகாதிபத்தியத்தின் போலித்தனங்களையும் உலகம் ஒருபோதும் மறக்காது என்பதை இவர்கள் நினைவில் கொள்ள வேண்டும்.

1948 நக்பா (பேரழிவு) நிகழ்விற்குப் பிறகு மிகப்பெரும் சவாலை ஃபலஸ்தீன மக்கள் எதிர்கொண்டு வரும் நிலையில் அதன் பிரதான போராட்ட இயக்கமான ஹமாஸ் இயக்கத்தின் புதிய தலைவராக கலீல் அல் ஹய்யா தேர்வு செய்யப்பட்டுள்ளார். கடும் நெருக்கடிகளையும் புதிய சவால்களையும் எதிர்நோக்கும் காலத்தில் கலீல் அல் ஹய்யா இயக்கத்தின் தலைமைப் பொறுப்புக்கு வந்துள்ளார்.
மேற்கு ஆசியாவில் முன்னணி நாடாக ஈரான் உருவெடுத்துள்ள நிலையில் ஈரான் ஆதரவு நிலைப்பாட்டை கொண்ட அல் ஹய்யாவின் தலைமையில் இயக்கத்தின் வெளியுறவுக் கொள்கையில் மாற்றம் இருக்கும் என்று கணிக்கப்படுகிறது.

‘வெனிசுலா மாதிரி’யை அப்படியே மீட்டுருவாக்கம் செய்து அதன் மூலம் ஈரான் தலைமைத்துவத்தின் அரசியல், ராணுவ நடத்தைகளை மாற்ற வேண்டும் அல்லது ஒட்டுமொத்தமாக வீழ்த்த வேண்டும் என்ற அமெரிக்காவின் திட்டம் முற்றிலும் சிதைந்துள்ளது. ஈரான் இஸ்லாமியக் குடியரசின் காத்திரத் தன்மையும் அதன் கருத்தியல் பலமுமே அமெரிக்காவின் இத்தோல்விக்கான காரணமாகும்.
ஈரான் மீதான அமெரிக்க-இஸ்ரேலின் சமீபத்திய கூட்டு இராணுவ நடவடிக்கைகள் முழுமையான தோல்வி என்பதோடு, அவை ஈரானை அச்சுறுத்துவதிலும் பின்னடையச் செய்வதிலும் வெற்றி பெறவில்லை; அதிகாரச் சமநிலையை மாற்றியமைக்கவும் இல்லை. மாறாக, இஸ்ரேலை மிகப் பலவீனமான ஒரு வியூகம்சார் நிலைப்பாட்டுக்கே அவை தள்ளியுள்ளன.

ஃபலஸ்தீனில் இஸ்ரேல் நிகழ்த்தி வரும் இனப்படுகொலை அங்குள்ள குழந்தைகள் உடல், மன, மற்றும் உள ரீதியாக கடுமையாக பாதித்துள்ளன. தாங்கள் ஃபலஸ்தீனில் பிறந்த ஒரே காரணத்திற்காகவே படுகொலை செய்யப்படுகிறோம் என்பதை உறுதியாக நம்பும் அந்த குழந்தைகள் சர்வதேச சமூகம் மீதான நம்பிக்கையை இழந்து வருகின்றனர் என்று ஆய்வாளர்கள் எச்சரிக்கின்றனர்.
எத்தனை பிரச்சகைள் வந்தாலும் அது எந்த ரூபத்தில் வந்தாலும் அவை அனைத்தையும் கடந்து ஃபலஸ்தீன மக்கள் உறுதியாக உள்ளார்கள் என்று அவர்களை புகழ்வது சர்வதேச சமூகத்தின் வழமையாக மாறியுள்ளது. ஆனால், இந்த புகழ்ச்சிக்கு பின்னால் நமது கையாளாகாத தன்மையும் மறைந்துள்ளதை வசதியாக மறந்து விடுகிறோம்.